Ang gumawa ng BayadEra ay matagal nang nangangarap maging game developer. Para sa kanya, ang bawat app ay parang laro. May function ito, may purpose. Pag may pinindot ka, may nangyayari.
Pero higit pa sa pindot ang laro. Ang laro ay paraan ng storytelling, isang medium ng art. Pinagsasama mo ang story, artwork at mechanics hanggang maging isang buong likha. At kapag may purpose ang likha, puwede itong magturo.
Ang purpose ng simpleng artwork namin
Gusto naming patunayan na kahit isang simple at nakakatawang mini game ay kayang mag-educate. Kaya nitong mag-open up ng conversations: paano ka mag-strategize para sa current expenses mo, para sa future expenses mo, at higit sa lahat, paano ka makakapag-provide para sa mga mahal mo, ngayon at sa hinaharap.
Sa BayadEra, adventurer ka. Dumarating ang sweldo every 10th at 25th, hinahati mo ito sa mga jar mo, at nilalabanan mo ang mga monster gaya ng Interest Slime. Laro lang, pero pareho ang tanong sa totoong buhay: saan mapupunta ang pera mo ngayong kinsenas?
Para kanino ito
Para sa lahat ng masipag. Lahat tayo nagsisipag, at lahat tayo deserve ng break para makasama ang mga taong mahal natin.
Sana ang BayadEra ay maging isang masayang paraan para pag-usapan ang pera, at mas mapadali ang pag-plano para sa pamilya.